Träffpunkt WaBe / beUnity

Träffpunkt WaBe – Aktiv & Zämu
Di regionali Gruppu fär alli, wo spontan und unkompliziert iri Freizit zwischu Wallis und Bärn gmeinsam verbringu wällunt. Ob bi Wandrigä, bim gmiätlichum Apéro oder bim Üstüsch ubär verschiidini Themä - inklusive Single Träff 35+.

Websitu:
https://traeffpunktwabe.wordpress.com

Herzlich Willkommu bi Träffpunkt WaBe - Aktiv & Zämu! 🍷🏞️

Schön, dass dü bi isch verbi lüägsch!

Aktiv & Zämu

Härzlich Willkommu im Träffpunkt WaBe! Üs 'Träffpunkt Insel' wird 'Träffpunkt WaBe' – churzer, regionaler und offener fär alles, was im Wallis und in Bäru Spass macht. Ob Wandru, ä gemiätlichä Apéro, Üstüsch, neui Lit träffu oder eifach d'Freizit gniässu.

Wiär si än unkomplizierti Gruppu fär alli üs der Region Bern und Wallis, wo Luscht händ, zämmu aktiv z'sii.

Was dich hiä erwartut:

Gmeinsami Freizit und gmiätlichs Träffu (Apéro, Ausflüge)
Wandrigä (T1-T2)
Ä privatä Ort fär ischi Fotä und zum Abmachu
Üstüsch uber verschidini Themä
Offuheit fär dini Idee und Aktivitätä

Dis Profil:

Z'Profil chasch du beliebig üsfillu, mit dum Profilfoto und vollständigs Profil chamu schich gägusitig besser kännuleru
Mit # chasch du beliebig dini Interessi oder Infos bekannt gä, (äs wird automatisch farblich dargstellt)

Dä mäld di doch eifach ah und schriib mal en Kommentar, wer du bisch – wiär freue isch uf neui Gsichter! 😊

Träffpunkt WaBe Institutionnel

WaBe Single Träff 35+

Herzlich Willkommu bim WaBe Single Träff 35+!

Näbu ischi gmeinsami Üsflig und dum Üstüsch, wällä wiär hiä eu nu ä Single Träff 35+ abietu.

Wiä funktioniert das hiä?

Hiä triffsch du Lit üs der Region Bern und dum Wallis, die eu Luscht uf echtu Üstüsch und netti Bekanntschaftä heint.
Gmeinsam statt einsam! Mu kännt schich scho in ischi Aktivitätä oder teilt ähnlichi Interessä.
Stell dich churz vor, erzähl, was dich üsmacht, was du in dinär Freizit machusch und was du genau süächscht.

Ä paar Tipps fär du Start:

Schrib ä paar netti Zilu uber dich und was diär bim Gägunubär wichtig isch.
Ä sympathischus Profilbild hilft enorm.
Blib respektvoll und ehrlich.

Wiär freue isch riesig uf dischu neu Berich. Vil Spass bim kännuleru! 😊

Firabu-Apéro in Visp – Gmiätlichä Wuchunänd-Start 🍹

Die Arbeitswochu üsklingu la und in entspannter Rundi ins Wochunänd startu! Wär träffä isch in äs unkomplizierts Firabu-Apéro in Visp im Barock Café .

Die Platzzahl halt ich bewusst chli (max. 8 Pers.), damit wiär isch güät chännä unnerhaltu.

Jede/r zahlt die eigenu Konsumationä selbsch.

Ich freue mich uf ä gmiätlichä Abu. 🙂

Info: Wiär verschiäbä der Firabu-Apéro uf Freitag, 25. September, damit alli äppis mehr Zit fär die Planig heint.